اخبار الكنيسة

اقوى صداقة فى التاريخ ذكرت فى الكتاب المقدس The strongest friendship in history mentioned in the Bible

اقوى صداقة فى التاريخ ذكرت فى الكتاب المقدس The strongest friendship in history mentioned in the Bible

المحظوظ اللى عندة اصحاب 

مثل اصدقاء المفلوج

برغم ان معلمنا مرقس الرسول 

ما اتكلمش كتير عن اصدقاء المفلوج

لكن تبان الصداقة الحقيقية فى المواقف

اتكلم الكتاب ان المعجزة دى كانت فى كفر ناحوم

والقرية دى كانت فى الشمال وماذكرش الكتاب هما جايين وشايلين صاحبهم من نفس القرية ولا من السامرة ومكانها فى وسط إسرائيل وتبعد كام ساعة سفر

لكن يبان من إصرارهم انهم جايين من الجنوب من اورشليم و التى بتبعد ايام عن كفرناحوم.

يا بختك لو عندك صاحب يمشى بلاد علشان مصلحتك

لا يكل ولا يمل يعنى يقولها بصدق تعبك راحة يا صاحبى

ماذكرش الكتاب انهم صلوا قبل ما يقدموا المفلوج للمسيح لكن السيد شاف صلاتهم.

من منظور تانى لانهم بعد ماثقبوا السقف علشان ينزلوة كان لازم يركعوا 

على ركبهم علشان يقدروا ينزلوة بالحبال والسيد المسيح ثمن ركبهم الساجدة واعتبرها اسمى انواع الصلاة.

يا بختك لو عندك صاحب بيسجد ويصلى علشان ظروفك ومشاكلك واستقرارك.

لما قال الكتاب فلما رأى ايمانهم مر ٢:٥ اتخيلت انهم بعد مانزلوة امام المسيح رموا الحبال لشدة ايمانهم ومش كدة وبس دول اكيد نزلوا واستنوة قدام باب البيت.

علشان يمشى معاهم حتى قبل مايسمعوا قم احمل سريرك وامشى 

واكيد ماسمعوش منة كلمة عرفان بالجميل

لان الصداقة الحقيقية مافيهاش شكرا لوقفتك أو تعبتك معايا أو يتردلك فى الافراح

الصحاب الحقيقين رزق من عند ربنا

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*